«Әлем – сенімен әдемі»
Түркістан жоғары көпсалалы, аграрлық колледжінде педагог психолог Н.Бейпенованың ұйымдастыруымен І курс білім алушы оқу топтарының арасында «Әлем – сенімен әдемі» атты шығармашылық сурет байқауы өтті.
Байқаудың мақсаты:
ҚР Президенті Қасым-Жомарт Тоқаевтың 2022 жылды «Балалар жылы» деп жариялауына орай, жасөспірімдердің білімді, заманауи білікті азамат болып қалыптасуына үлес қосу.
Міндеттері:
– Білім алушылардың интеллектуалды шығармашылығының дамуына жағдай жасау;
– Талантты білім алушылардың жұмыстарын және жетістіктерін танымал ету;
– Өнерге құштарлықтарын, эстетикалық талғамдарын, шығармашылық қабілеттерін дамыту;
– Бала мінезінің тұрақтылығын, ұстамдылығын қалыптастыра отырып, бастаған ісін аяқтай білуге тәрбиелеу.
Сурет байқауының жеңімпаз топтары топ жетекшілерімен бірге арнайы колледж директорының дипломдарымен марапатталды.